Ikomidi lePhalamende eliphuthumayo liqinisekise ukuthi inhloko yamaphoyisa aKwaZulu-Natal, uNhlanhla Mkhwanazi uhoxise izinsolo azenza ngowayengungqongqoshe wamaphoyisa uBheki Cele.
Lezi zinsolo zihlobene nezinsolo zokuthi uCele wathola imali evela kuVusimuzi ‘Cat’ Matlala osolwa ngokuba ngumholi weqembu lobugebengu.
OLUNYE UDABA: UMkhwanazi uyaqhubeka nokwethula ubufakazi namuhla
U-Advocate Norman Arendse oyiChief Evidence Leader kwikhomishana, uqale wakhuluma ngalezi zinsolo, nokuyinto ekhulunywe nguCele esitatimendeni sakhe ekomidini ngoLwesine.
Ngokusho kuka-Arendse, uKhomishana wamaPhoyisa KwaZulu-Natal, uNhlanhla Mkhwanazi, usezihoxisile izinsolo zokuthi uCele wanikwa nguVusimuzi ‘Cat’ Matlala imali.
U-Arendse uthe umqhafazo uchazile ukuthi ithimba elalisebenza ekuhlaziyweni kwedatha lithole imininingwane ye-akhawunti yasebhange okungesiyo nokuthi yayingabhekisiwe kuCele.
Ikomidi liphenya izinsolo eziphakanyiswe nguMkhwanazi mayelana nenkohlakalo kanye nokuphazamiseka kwezepolitiki ohlelweni lobulungiswa bobugebengu.
