UKhomishana wamaphoyisa kazwelonke uJenene Fannie Masemola uzobhekana namacala obugebengu ngethenda likaVusimusi “Cat” Matlala lemali engu-R360 million.
UMasemola ngoLwesithathu unikezwe i-warrant ukuze aqinisekise ukuvela kwakhe enkantolo, kubika i-News24.
Ukuvela kwakhe enkantolo kuhlelelwe umhlaka-21 April.
Lokhu kulandela uchungechunge lokubopha lwe-Investigating Directorate Against Corruption ngoLwesibili.
OLUNYE UDABA: IKhomishana kaMadlanga ingase ifune incwadi egunyaza ukuboshwa kukaBrown Mogotsi
Amaphoyisa angu-12, kanye noMatlala, babhekene namacala okukhwabanisa, inkohlakalo kanye nelemali engcolile.
Kuyaqondakala ukuthi iphoyisa eliphezulu lizobhekana namacala ahlobene nokungalaleli kwakhe umthetho we-Public Finance Management Act.
Uzoba yiKhomishana wamaphoyisa kazwelonke wesithathu obhekene nezinsolo ngemuva kukaKhomotso Phahlane noJackie Selebi.
