Uphiko oluphenya amacala ayisipesheli (Special Investigating Unit – SIU) luthole ukuthi izinhlangano ezintathu zenkohlakalo zazitapela u-R2-billion esibhedlela saseTembisa.
Lolu phiko selukhiphe umbiko wesikhashana mayelana nenkohlakalo nokungaphathwa kahle kwesibheldlea eGauteng.
Eminyakeni emine eyedlule, u-Babita Deokaran owayengezwani nenkohlakalo wabulawa ngemuva kokuhlaba umkhosi ngezinkontileka ezingekho emthethweni kulesi sikhungo.
OLUNYE UDABA: Inkantolo kulindeleke ikhiphe isinqumo sesicelo sebheyili sikaVusimuzi “Cat”Matlala
Ngokusho kwe-SIU, ixhumanise abahlinzeki ababalelwa ku-41 nabasolwa njengomholi weqembu uMorgan Maumela, ongumshana kaMengameli.
Izinkampani ezintathu ezinkampanini ezinikezwe izinkontileka ziyamaniswa nosomabhizinisi kanye nongqondongqondo kubugebengu uVusimuzi ‘Cat’ Matlala.
