Umsolwa oneminyaka engu-25 ubudala waseNdwedwe uboshwe ngamalungu eReaction Unit South Africa (RUSA) ngemuva kochungechunge lokugqekeza nokweba eCanelands.
AbeReaction Officer baphendule ngesikhathi kugqekezwa indawo yebhizinisi eCanelands KZN izolo. Abaphenduli bokuqala bathi babone umsolwa ebaleka endaweni yesigameko. Lo mlisa uboshwe kulandela ukuzama ukubaleka kanye nokusabisa amaphoyisa ngommese.
OLUNYE UDABA: Icala lokweba ePhala Phala liqala namuhla ukuqulwa
Umsolwa uyamaniswa necala lokweba ngaphambilini elibandakanya umabonakude kanye nezihlalo zasengadini. Amaphoyisa aqhubekele kuMoss Street enkabeni yedolobha iVerulam – KZN lapho kutholwe khona ifenisha eyebiwe. OwaseMalawi, owathenga futhi wadayisa kabusha lo mabonakude ontshontshiwe, ubambisene namaReaction Officers okwaholela ekutholakaleni komshini kagesi eMountview – KZN. Kuphinde kwalandwa izihlalo zasengadini eziyishumi nane.
