INkantolo yamacala ezohwebo eThekwini (Durban Specialised Commercial Crimes court) igwebe uNhlakanipho Wiseman Dlamini, 45, iminyaka eyishmi ngemuva kokulahlwa ngamacala amabili enkohlakalo.
UDlamini wenza lobu bugebengu phakathi kwangonyaka ka-2019 November- 2020 January.
UDlamini wayesebenza kuMasipala uMsunduzi eyibamba le-Fleet Control Advisor. Inkampani i-EWCop yayiqashelwe ukuhlinzeka ngobuchwepheshe bokwelusa ukuhamba kwezimoto.
Ngo-2018 inkontileka ye-EWCop yaphela, yabe ivuselelwa inyanga nenyanga kusalindwe isinqumo ngethenda.
OLUNYE UDABA: Ugwetshwe iminyaka elishumi ebhadle ejele owakha itulo lokubulala iphoyisa
UDlamini wakhuluma nabe-EWCop ecela ukuba bamnike okuthile ukuze kuvuselelwe ithenda yabo.
UDlamini wabuye wakhonga uR 100 000 ukuze le nkampani ikhokhelwe imali yanyangazonke.
Kwacushwa umgoga ngokuka Section 252 A of the Criminal Procedure Act 51 0f 1997, kwaboshwa uDlamini eqeda ukwemukela imali yomgoga.
Ubufakazi ngokuka-Section 252A okuwumgoga obuhambisana nengxoxo eqoshiwe kwethulwa wuMshushisi u-Adv. Reenai Ramouthar.
UDlamini ugwetshwe iminyaka engu-8 ngecala ngalinye lenkohlakalo. Iminyaka engu-6 ecaleni lesibili uzoyidonsa kanyekanye nesigwebo ecaleni lokuqala nokusho ukuthi uzodonsa iminyaka engu-10.
I-NPA iyakwemukela ukuphothulwa kodaba ngempumelelo, thina nezinye izinhlaka esibambisene nazo sizoqinisekisa ukuthi abasebenzi abakhohlakele babhekana nengalo yomthetho.
Ukulwa nenkohlakalo kuseqhulwini kithina.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
