Icala elibhekene nowesilisa owayeyiphoyisa osolwa ngokubulala uMarius van der Merwe lihlehliselwe uLwesithathu wesonto elizayo ukuze kulalelwe ibheyili eNkantolo yeMantshi yaseBrakpan, empumalanga yeGoli.
UMatipandile Sotheni oneminyaka engu-41 ubudala ubhekene namacala okubulala, ukuzama ukubulala, ukubulala okuhleliwe kanye nokuba nezinhlamvu ezingekho emthethweni.
UVan der Merwe, owayaziwa njengoWitness D kwiKhomishana kaMadlanga, wadutshulwa wabulawa ngaphandle komuzi wakhe eBrakpan ngomhlaka 5 December ngonyaka odlule.
OLUNYE UDABA:Amaphoyisa athole imoto eyamaniswa nokubulawa kukaWitness D
Okhulumela amaphoyisa kazwelonke u-Athlenda Mathe uthi uWiandre Pretorious wayengumshayeli weSuzuki Swift eyasetshenziswa ekudubuleni kanti uSotheni wayephakathi kuleyo moto.
“Ngokophenyo lwethu, uWiandre Pretorious, ngalobo busuku kwakukhona umshayeli weSuzuki Swift eyasetshenziswa ekudubuleni kanti uSotheni wayesemotweni futhi nguye owadubula. Wadubula kabili – uMarius van der Merwe wabulawa inhlamvu eyodwa. Ngakho-ke, ubufakazi bethu obuqand’ ikhanda bubenza bobabili babesendaweni yesigameko.”
Khonamanjalo, i-National Prosecuting Authority (NPA) ithi izoyiphikisa ibheyili kaMatipandile Sotheni.
