Igwetshwe iminyaka eyishumi ibhadle ejele indoda eneminyaka engu-63 ubudala, uRoshanel Banawo, kulandela ukutholwa enecala lokwakha uzungu lokubulala uGeneral wamaphoyisa.
UBanawa ugwetshwe yiNkantolo yesiFunda yaseNewcastle namuhla.
Inkantolo ilalele ukuthi uBanawo wazama amahlandla amathathu ukubulala uKhomishana wesiFunda saseMzinyathi, uMajor General Francis Slambert okuyinto inkantolo eyayikubize njengezizathu zakhe kanye nezizathu ezihlobene nomsebenzi kaMajor General Slambert.
OLUNYE UDABA: UMkhwanazi uzobe esenkantolo kwelikaBanawo kusasa
UBanawo, owasebenza njengephoyisa iminyaka engu-39 ngaphambi kokuba axoshwe ngemuva kokutholakala nezidakamizwa emzini wakhe, ubephethe iqembu lezigebengu futhi ezama ukubamba uMajor General Slambert.
Njengokhomanda ozinikele emsebenzini wakhe, uMajor General Slambert wanqaba ukuba yingxenye yalokho, uBanawo wabe esekhipha umyalelo ezigebengwini ezimbili ukuba zimbulale.
Inkantolo iphinde yaveza ukuthi uBanawo akakufanele ukuba nesibhamu.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEditEdit
