Owesifazane oneminyaka engu-43 ubudala ubulawe phambi kwendodana yakhe eneminyaka engu-12 ubudala eCornubia, enyakatho yeTheku, namhlanje ekuseni.
Amaphoyisa abophe owesilisa oneminyaka engu-39, okusolwa ukuthi ubengumlingani walo wesifazane. Kubikwa ukuthi ubecwile kwezika-Faro ngesikhathi efika endaweni yesigameko.
OLUNYE UDABA: Owesilisa udutshulwe wabulawa e-Maoti
Indodana itshele onogada baka RUSA ukuthi i-step father sakhe sihlasele unina samklinya ngesikhathi bexabana ngezithuba zabo-5 ekuseni.
Le ngane ibaleke yayocela usizo ku-anti wayo ohlala eduze. I-Reaction Unit South Africa ibophe umsolwa ngemuva kokuthola le mininingwane.
Kuthiwa le ngane ibike nokuthi akukhona okokuqala umsolwa ehlukumeza unina, njengoba ike yabona izigameko ezifanayo phambilini.
