Abezicishamlilo eThekwini basola ukuthi umlilo ocekele phansi amakhaya angaphezu kwangu-20 endaweni yaseCato Crest uqalwe wugwayi.
Leli langabi eliqubuke kuBellair Road ngoMsombuluko ushiye inqwaba ingenamakhaya.
Emasontweni amathathu edlule, umlilo owaqubuka emjondolo yakuKennedy Road wadlula nemiphefumulo, owesifazane nosana olunezinyanga ezingu-19 luzelwe.
OLUNYE UDABA: Abahlali bafuna ukufakwa ezinhlelweni zokuphepha komphakathi waseThekwini
Nenganya edlule, umlilo okungenzeka ukuthi waqalwa yimbawula wasisha imizi engaphezu kwengu-100 emjondolo yaseSipingo iDakota.
UNkulumo Dube oyiDivisional Commander eThekwini Municipality Fire and Emergency Services, uthe izicishamlilo ngoMsombuluko zasebenza ihora zibhula ilangabi.
UDube uthi uphenyo lokuthola ukuthi yini eyadala ilangabi lusaqhubeka.
“Kwabiskwa ukuthi kunomuntu owayebhema wabe esezunywa wubuthongo walala, asazike ukuthi wawulahla kanjani ugwayi wakhe. Le ndoda yavuswa ngomakhelwane umjondolo wayo usuvele ungqongqa.
“Kwasithatha imizuzu ephakathi kwengu-5 nengu-15 ukulawula umlilo kodwa kwasithatha ihora ukuwucisha ngokugcwele.”
Izicishamlilo zaphinde zabizelwa emgaqweni okuBluff, lapho okwashona khona indoda kusha umuzi.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
