Ungqongqoshe wezemidlalo amasiko nezamaciko uDr Ntuthuko Mahlaba usenxuse imiphakathi eyakhe ngasemzileni ekuzobe kuhamba kuyo abagijimi be Comrades Marathon ukuthi baphume ngobuningi babo ukuyokweseka abagijimi.

NgeSonto izinkumbi zabagijimi zizosuka e Mgungundlovu zilibangise eThekwini njengoba zizobe zibambe iqhaza kulomgijimo webanga lika 87.7km. “Sicela umphakathi ukuthi uphume ngobuningi babo ukuthi beze kokweseka labagijimi njengoba behlezi benza naseminyakeni eyedlule” kusho uDr Mahlaba. u Mahlaba uthi umoya wobumbano owobungani nohlezi ubonakala uma kunalomgijimo ubalulekile kakhulu ukudala ubumbano emiphakathini.Umnyango wezemidlalo uzohlomulisa owesilisa nowesifazane odabuka esifundazweni saKwaZulu-Natal nozoba ngowokuqala ukushaya intambo ngesamba sika R50 000 wamarandi. Abagijimi ke abasuka kulesifundazwe nababhekwe ngabovu kulomqhudelwano u Bongmusa Mthembu,Nkosikhona Mhlakwana,Mahlomula Sekhonyana,Thobani Chagwe,Bonginkosi Zwane, Melusi Dlomo,Fikile Mbuthuma,Makhosi Mhlongo,Lisa Collet no Jenet Mbhele.