Kushone indoda yase-Australia ngenxa yesifo “esiyimvelakancane” esifaniswa nesamarabi esitholakala ngokulunywa yilulwane, lokhu kushiwo izikhulu zezempilo ngoLwesine.
Le ndoda eneminyaka ebalelwa kweko-50 ubudala yalunywa yilulwane ezinyangeni ezimbalwa ezedlule, kusho abezempilo eNew South Wales.
“Sidlulisa amazwi enduduzo emndenini wale ndoda nasezihlotsheni ngokulahlekelwa kwabo,” kusho isitatimende se-NSW Health.
“Nakuba lokhu kuyimvelakancane ukutholakala kwesifo samalulwane ase-Australia esibizwa nge-bat lyssavirus, asilapheki.”
Le ndoda yasenyakatho neNew South Wales, engakahlonzwa, kuleli sonto kuthiwa isesimeni esibucayi esibhedlela.
Leli gciwane – elihlobene kakhulu nelamarabi, elingekho e-Australia – lisabalala uma amathe elulwane engena emzimbeni womuntu ngokulunywa noma ngokuklwebheka.
OLUNYE UDABA: Umphakathi unxuswa ukuba ukubeke eqhulwini ukugoma izilwane kulandela ukuphuma kwesidumbu ngenxa yamarabi
Izimpawu zokuqala zingathatha izinsuku noma iminyaka ukubonakala kanti futhi zifana nomkhuhlane – ukuphathwa yikhanda, imfiva nokukhathala, kusho abezempilo.
Isimo somuntu ohlukunyeziwe siwohloka ngokushesha, okuholela ekukhubazekeni, ukudideka, ukudlikiza komzimba nokufa.
Bekunezigameko ezintathu kuphela ezedlule zokutheleleka kwabantu ngesifo samalulwane ase-Australia i-lyssavirus kusukela yaqala ukuhlonzwa ngo-1996 kanti zonke zakhipha izidumbu.
Abantu kufanele bakugweme ukuthinta noma ukuphatha amalulwane, njengoba noma yiliphi ilulwane e-Australia lingaba nalesi sifo i-lyssavirus, kusho abezempilo eNew South Wales.
“Uma wena noma umuntu omaziyo elunywe noma ekwejwe yilulwane, udinga ukugeza isilonda kahle imizuzu engu-15 ngaso leso sikhathi ngensipho namanzi bese ugcoba isibulala-magciwane esilwa namagciwane,” kusho abezempilo.
“Iziguli zibe sezidinga ukwelashwa nge-immunoglobulin yamarabi kanye nomuthi wokugomela amarabi.”
Leli gciwane litholakale ezinhlotsheni zamalulwane kanye namanye amalulwane adla izinambuzane, kusho i-NSW Health.
Uhlobo lwelulwane olubandakanyeka esigamekweni sokushona komuntu sakamuva, alukahlonzwa.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
