UNgqonqgoshe weokuBusa ngokuBambisana nezoMdabu KwaZulu-Natali, uMfundisi uThulasizwe Buthelezi, usejube wonke amathimba abhekelele izinhlekelele abobonke omasipala kulandela ukuphuma kwezexwayiso zesimo sezulu sika-Level 4 no-Level 5 namuhla ezindaweni ezinkulu zesifundazwe.
Lezi ziphepho zibeka engozini impilo zabantu nengqalasizinda yomphakathi.
Ngokusho kwe-South African Weather Service (SAWS), kulindele ukuduma okukhulu kwezulu okuzohambisana nezimvula ezinkulu, imimoya edala umonakalo, umbani omkhulu, nesichotho, okungenzeka kube nezikhukhula ezinkulu, ukukhukhuleka kwamabhuloho nemigwaqo, ukudilika kodaka, ukuwa kwamatshe, kanye nokuphazamiseka okukhulu kwezimoto.
OLUNYE UDABA: Isexwayiso sesimo sezulu sika-Level 4 eKZN
Isengozini enkulu imiphakathi ezindaweni eziphansi, eduze kwemifula nemifudlana, kanye nezindawo zokuhlala ezingahlelekile.
Izindawo ezingase zithinteke:
Isimo sezulu sika-Level 5:
Abaqulusi, Big Five Hlabisa – Hlabisa, Big Five Hlabisa – Hluhluwe, eDumbe, Jozini, Mthonjaneni, Mtubatuba, Nkandla, Nongoma, Ulundi, Umhlabuyalingana, uMhlathuze, uMlalazi, uPhongolo.
Isimo sezulu sika-Level 4:
Abaqulusi, Alfred Duma – Indaka, Alfred Duma – Ladysmith, Big Five Hlabisa – Hlabisa, Big Five Hlabisa – Hluhluwe, Dannhauser, Dr N. Dlamini-Zuma – Underberg, eDumbe, eMadlangeni, Endumeni, eThekwini, Greater Kokstad, Impendle, Ingwe, Inkosi Langalibalele – Escourt, Inkosi Langalibalele – Sobabili, Jozini, KwaDukuza, Mandeni, Maphumulo, Mkhambathini, Mpofana – Giants Castle, Mpofana – Mooi River, Msinga, Mthonjaneni, Mtubatuba, Ndwedwe, Newcastle.
Amalungu omphakathi anxuswa ukuba aqaphele aphinde alandele yonke imiyalelo yezokuphepha.
