Inkampani yamabhasi i-PUTCO ithi izosebenzisa amabhasi angaphezu kwangu-500 ukuthutha abazalwane bebandla i-ZCC enkonzweni yePhasika eMoria ngaphandle kwasePolokwane eLimpopo.
Izinkulungwane zabantu, okuhlanganisa nabahambela izindawo zokukhulekela, kulindeleke ukuthi badlule ePolokwane njengoba bebheke ezindaweni ezahlukene beyodumisa.
OLUNYE UDABA: Umengameli ufisela abakuleli iphasika elihle neliphephile
IMeya yasePolokwane uJohn Mpe ithi kuztshalwa amaphoyisa omgwaqo kamasipala ukuze abhekane nesibalo esiphezulu sezimoto ezilindelekile, ikakhulukazi ku-R71 phakathi kwePolokwane neMoria.
“Sizotshala amaphoyisa omgwaqo namanye avela kolunye uphiko lwamaphoyisa. Khumbula ukuthi sisebenza ngaphansi kwesikhungo esisebenza ngokubambisana esizobe simatasa sifeza nokuzobe kulindelekile njengedolobha elizobe lamukela izihambeli. Izicishamlilo zizobe zikhona ziqaphile eMoria.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEditEdit
