UNdunankulu waKwaZulu-Natal, uThamsanqa Ntuli, ngempelasonto, ubehambele umngcwabo kaMuzi Mbongwa, ilungu elizinikele leCommunity Policing Structure (CPS) owadutshulwa amahlandla amaningi eHammarsdale.
Ngesikhathi senkonzo yomngcwabo, uNdunankulu uNtuli uzodlulise amazwi enduduzo emndenini ohanjelwe wahlonipha isibindi sikaMbongwa kanye nokuba nesihawu nokuzidela.
OLUNYE UDABA: UNdunankulu waseKZN uthi kumele imiphakathi ifundiswe ngokuguquguquka kwesimo sezulu
UNtuli ekhuluma emngcwabeni, uthe nakuba ebengamazi kahle uMbongwa, udabukile ngokushona kwakhe ngoba umsebenzi abewenza eyilungu le-CPS kanye nezinhlaka zomthetho ubalulekile.
Uthi uMbongwa wayehlonishwa kakhulu ngendima yakhe ekulweni nobugebengu kanye nokuzibophezela kwakhe okungaguquki ekugcineni umphakathi wakhe uphephile.
UNtuli unxuse izakhamuzi zaseHammardale ukuba zibhekane nobugebengu ndawonye, ethi imiphakathi ivame ukwazi ukuthi ngobani izigebengu, kodwa leyo mniningwano ingadluliselwa kwiziphathimandla.
UNdunankulu uthembise ukubuyela endaweni ukuyohlangana nababambiqhaza baqhamuke nohlelo lokuqeda ubugebengu endaweni.
IZITHOMBE:
