Isikhwama Sebheyili sizobhekana ‘nokungabi nabulungiswa kokuboshwa ngenxa nje yokuthi abathathi entweni.’
Zingaphezulu kwezingu-2 600 iziboshwa ezisalinde ukuqulwa kwamacala azo ezibhajwe emajele aseNingizimu Afrika agcwele ngokweqile ngenxa yokuthi azikwazi ukukhokha ibheyili engaphansi kwemali engu-R1 000.
Ithimba elisebenzayo leSikhwama Sebheyili, eliholwa yi-Judicial Inspectorate for Correctional Services (JICS), ngokwesekwa yi-Bertha Centre, maduze lizokwethula iphrojekthi encane yokusiza abantu ababoshwa base bededelwa ngebheyili kodwa abangenawo amandla okuyikhokha.
