Luyaqhubeka uphenyo lokubulala endaweni yaseNtambanana, empumalanga yeRichards Bay kulandela ukuhlaselwa kubulawe owesifazane emzini wakhe.
Indodakazi, 21, yalo wesifazane ithole inxeba lokuduthsulwa ngoMsombuluko ebusuku kwathi ingane yayo enezinyanga ezintathu izelwe yaphuma ingenamyocu.
Okhulumela amaphoyisa aseKZN uNtathu Ndlovu uthi undodakazi wowesifazane oneminyaka engu-60 ubudala ukwazile ukunika amaphoyisa imininingwano yesehlakalo esenzeke ekhaya labo eBhuchanana.
OLUNYE UDABA: Kuqinisekiswe isibalo sezingane ezizalwe kulo nyaka eKZN
Uthi umsolwa usevelile enkantolo.
“Indodakazi yomufi ngokuhamba kwesikhathi iveze ukuthi umsolwa ngumalume wayo oneminyaka engu-35 ubudala. Umsolwa waboshwa, amaphoyisa ashaqa isibhamu sakhe.
“Umsolwa uvele okokuqala eNkantolo yeMantshi yaseNgwelezane ngecala lokubulala nokuzama ukubulala. Icala lihlehlisiwe.
