Kushone indoda eneminyaka ebalelwa kweko-30 ubudala engozini yemoto eyodwa eyenzeke ku-M13 ngaseSalisbury Offramp eWestville ngezithuba zabo-01:00 ngoMgqibelo ekuseni.
Abezimo eziphuthumayo i-ALS kanye nabakwa-ER24 bafike endaweni yesigameko bathola iveni elifohlokile eceleni kwendlu ehlala abantu.
OLUNYE UDABA: IZITHOMBE: Zilimalile izaguga eziginqike nemoto eVerulam
Abezimo eziphuthumayo bahlole umshayeli nobekunguye kuphela obengaphakathi emotweni, bathola ukuthi yindoda okukholakala ukuthi ineminyaka ebalelwa kweko-30 ubudala ilimele kakhulu futhi akukho abezimo eziphuthumayo abebengamsiza ngakho yabe isihlengwa njengoshonile khona endaweni yesigameko.
Okwamanje okuholele kule ngozi akwaziwa kodwa amaphoyisa ophiko lwe-SAPS namaphoyisa kaMasipala abekhona endaweni yesehlakalo kanti bazophenya.
ALS Paramedics Medical Services
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
