Sesifinyelele ku-1 million isibalo sezinkomo esezigomele isifo samatele esifundazwe saKwaZulu-Natal kusukela ekupheleni kwenganga ka-February.
Leli yigxathu elikhulu ekugonyweni kwezinkomo ezingu-2.4 million esifundazweni.
Lokhu kwenzeke ngokubambisana kwezinhlaka ezahlukene zakuhulumeni nezizimele.
OLUNYE UDABA: Kutholakale isifo samatele epulazini lezingulube eKZN
UNgqongqoshe kaMadlopha-Mthethwa ubonga i-Veterinary Services ngokuhlela kwabo ukuqhuba lo mkhankaso ngempumelelo, kanye nodokotela bezilwane abazimele ngokugoma amapulazi amaningi ezentengiselwano.
Uthi uzibophezele ukuqhubeka nokuhlanganisa izinsiza ukuze kufinyelelwe esibalweni kuphinde kubuyisele imboni yezilwane esimweni sayo sangaphambi kuka-2021.
Izifunda esezigonywe aqedwa: IsiFunda i-Ugu, i-Harry Gwala, i-Mkhanyakude kanye ne-Zululand.
