UNdunankulu waKwaZulu-Natal, uThami Ntuli, uthi kushone abantu ababili ngesikhathi kuduma izulu ngesonto eledlule nomoya onamandla ohlasele ezinye izingxenye zesifundazwe.
“Ingaphezu kwengu-400 imizi ethintekile esifundazweni kanti ingaphezu kwengu-50 engenazo izindawo zokuhlala njengoba sikhuluma nje,” kusho uNtuli.
“Indawo yaseMpendle iyodwa kuthinteke imindeni engu-140.
OLUNYE UDABA: Umonakalo odalwe yisimo sezulu esibi uphazamise ukufunda ezikoleni zase-KZN
“Okubuhlungu esisanda kukuzwa namuhla ekuseni wukuthi eThekwini, kushone abantu ababili kule nhlekelele eqhubekayo.”
NgoLwesibili uNtuli noNgqongqoshe wezokuBusa ngokuBambisana uVelenkosini Hlabisa bavakashele ku-ward 1 noWadi 5 eMpendle, eMidlands, lapho kucekeleke phansi eminye imizi.
Uthe amathimba asamatasa nokuqoqa imininingwane ngomonakalo odaleke eKZN, eFree State, eWestern Cape nase-Eastern Cape lapho kushone khona abantu abangu-90.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
