UNgqongqoshe wezokuThutha uBarbara Creecy uthi sehle ngo-45.6% isibalo sabantu abashona ezingozini zomgwaqo uma kuqhathaniswa nesikhathi esifanayo sango-2024.
UCreecy ukhiphe izibalo ze-Easter Road Safety ePitoli ngoLwesibili.
“Isibalo sabashonile sehlile njengoba sisuka ku-307 ngempelasonto yePhasika ngo-2024 sayohlala ku-167 ngo-2025.
“Zonke izifundazwe ziqophe izibalo ezincane kunezangonyaka ophelile ngaphandle kwaseMpumalanga njengoba bengu-28 abadlule emhlabeni kulo nyaka kanti ngo-2024 babengu-22.”
OLUNYE UDABA: Zisesibhedlela izaguga ezishayise umgodi emgaqweni eThekwini
UCreecy uthi izwe liphinde laqopha isibalo esincane kakhulu sezingozi zezimoto eminyakeni emithathu.
Zingu-141 izingozi zezimoto ezenzeke ngamaholidi ePhasika uma kuqhathaniswa nezingu-209 zango-2024, okungu-32%.
UNgqongqoshe uthi lokhu kwehla kungadalwa yizinto ezintathu.
“Okokuqala, ukwanda kwabezomthetho emgwaqeni nokugcinwa komthetho kuzo zonke izifundazwe eziyisishiyagalolunye, okwesibili, izinyathelo ezididiyelwe yiziphathimandla zikahulumeni kazwelonke, owezifundazwe nowasekhaya. Okokugcina, ukubambisana okubalulekile phakathi kwezinhlangano zomphakathi kanye nohulumeni okuholele ekutheni kuphume umyalezo oqinile obe nomthelela omuhle ekuziphatheni kwabashayeli.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
**mitolyn**
Mitolyn is a carefully developed, plant-based formula created to help support metabolic efficiency and encourage healthy, lasting weight management.