Umqhudelwano oba minyaka yonke odlalwa ngephasika iSiyabangena tournament ube yimpumelelo ngempelasonto njengoba umphakathi ubuphume ngobuningi bawo uzoseka lemidlalo ebanjelwa endaweni yakwaMaphumulo eMvoti.
Nakuba le midlalo bekufanele idlalwe enkundleni yezemidlalo eQabavu kube nezinguquko ngemizuzu yokugcina yayiswa eSnamfini njengoba iphazanyiswe yimvula.
OLUNYE UDABA: OwePirates uzibona kowamanqamu ezakhe kwi-CAF
Le midlalo ehlelwa inkampani engenzi nzuzo i-Ubunye Foundation kubonakala izinga layo likhuphuka njengoba izinkampani eziningi zizisondeza kule midlalo esemakhaya.
Ompetha abasha balemidlalo kwibhola lezinyawo kube yiMoving Stars eshaye iSmaye ngamagoli amabili kwelilodwa kanti kwibhola lomnqakiswano kube yiMnyameni abanqobile kwiSiyabangena Tournament bahlomula imali, ijesi kanye nezindondo.
– Andile Andizo Mthembu
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
