Ufakazi wamaphoyisa owaziwa ngo-Witness A usethule ubufakazi kwiKhomishana kaMadlanga bokuthi ithimba eliphenya ngokubulawa kwezepolitiki lajoyina uphenyo lokubulawa kuka-Armand Swart kuphela ngemuva kokuba yena nozakwabo, ongu-Witness B, bebekwe ngaphansi kohlelo lokuvikelwa amahora angu-24.
OLUNYE UDABA: Madlanga Commission – Izohlinzeka ofakazi ngezokuphepha
Unjiniyela okukhulunywa ngaye wabulawa ngaphandle kwendawo ayesebenzela kuyo eVereeniging ngonyaka ophelile nokukholakala ukuthi kwakunephutha lokungaziwa ukuthi ungubani.
Icala lokubulala liyamaniswe nethenda yakwaTransnet.
U-Witness A utshele ikhomishana ukuthi ngesikhathi sophenyo ukuphepha kwabo kwathathwa kwabekwa ngaphansi kwabeCrime Intelligence.
Leli phoyisa lengeze ngokuthi ukufakwa ezindlini eziphephile kwayishintsha kakhulu impilo yabo, njengoba bengasakwazi ukubuyela emakhaya okanye behlale ngokwejwayelekile bengaphansi kwezokuphepha eziqinile.
“Ngicabanga ukuthi bekungokokuqala kithina sobabili, mina no-Witness B, asikaze sicabange ukuthi singamukelwa kulolu hlelo. Futhi lolu hlelo lwafika nezinselele zalo njengoba belusisiza thina. Impilo yakho njengomuntu iyathinteka kanti futhi, nemindeni iyathinteka ngandlela thizeni.”
