I-Federated Hospitality Association of South Africa ithi iComrades Marathon inikeze umkhakha wezokuvakasha nezivakashi umfutho omkhulu eKZN.
Bangaphezu kuka-22 000 abasubathi ababambe iqhaza kulo mjaho obusuka eMgungundlovu ubheke eThekwini ngeSonto.
Owayengunogada osengumsubathi we-ultramarathon, uTete Dijana, udlule entanjeni enqoba iComrades yesithathu esikhathini esingamahora amahlanu nemizuzu engu-25.
Emijahweni yabesifazane, uGerda Steyn unqobe okwesine emahoreni amahlanu nemizuzu engu-51.
OLUNYE UDABA: Ungqongqoshe: I-Africa Travel Indaba yakha inqwaba yamathuba omsebenzi
Owenhlangano yezokuvakasha iFedhasa, uBrett Tungay, uthi amahhotela amaningi nama-B&B kuwo womabili amadolobha abhukhwe agcwala izivakashi zasendaweni nezamazwe ngamazwe.
“Lo mcimbi ingeminye yemicimbi esekhalendeni yeminyaka yonke izikhungo ezithembele kuyona.
Nakanjani izinzuzo zomnotho zikhulile esifundazweni lokhu kungezinye zezinto ezibalulekile kuthina esifundazweni.”
EMgungundlovu iMadlula’s Guesthouse ingelinye lamabhizinisi amukele izivakashi ezivela phesheya.
UNtokozo Nhlela wale ndawo uthi umsebenzi omningi bawenza ngonyaka odlule, indawo yabhukwka yagcwala. Iningi lezivakashi zethu zifike ngoLwesine kanti bezizophuma ngeSonto. Ingxenye enkulu yezihambeli zethu bekungabasubathi bebanga elide.
“Sikujabulele kakhulu ukwamukela izivakashi ezimbalwa zamazwe ngamazwe, ikakhulukazi ezivela e-Ukraine. Sikuthokozele kakhulu ukwamukela leli zinga lokubamba iqhaza emhlabeni jikelele. Yize bekunezinselelo ezithile zolimi njengoba isiLungui bekungelona ulimi lwethu lokuqala kuthina sonke kodwa sikwazile ukuxhumana kahle nabo ngemfudumalo.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
