Liyavela enkantolo iphoyisa elisolwa ngokubandakanyeka ekunyamalaleni kwebhungu laseF State

Kulindeleke ukuthi livele eNkantolo yeMantshi yaseBloemfontein iphoyisa elineminyaka engu-42 ubudala ngecala lokuthumba.

Ukuboshwa kwakhe kuhlobene nokuthunjwa kukaKamogelo Baukudi.

UKamogelo oneminyaka engu-19 ubudala ongumfundi wasesikoleni iMarti du Plessis eFitchardpark, uduke ngesonto eledlule.

OLUNYE UDABA: Uyavela enkanyolo oboshelwe izinsolo zokusabisa uRamaphosa

Egcina ukubonakala kwakungoLwesine, ngesikhathi ethathwa ngamadoda amabili angaziwa ayegqoke umfaniswano wamaphoyisa.

Iphoyisa liboshwe ngemuva kophenyo oluliyamanisa nemoto yamaphoyisa eyasetshenziswa ukuthumba uKamogelo.

Ibhungu lisadukile kanti amaphoyisa ophiko lwe-SAPS athi asaqhubeka nokubeka eqhulwini ukubuya kwakhe ephephile.

eNCA

Sithole ezinkundleni zokuxhumana

Landela kwi – WhatsApp Channel yethu Izwi Lomzansi 98.0fm

Slandele ku-Facebook no-X (owayekade engu-Twitter)