Uphiko oluphenya amacala athinta amaphoyisa i-Independent Police Investigative Directorate (IPID) luthi seluqale uphenyo ngoKhomishana wamaPhoyisa KwaZulu-Natal uLieutenant-General Nhlanhla Mkhwanazi ngezinsolo zokuphazamisa ukuboshwa kwesikhulu esiphezulu soMnyango wezokuHlunyeleliswa kweziMilo.
Ngokusho kokhulumela i-IPID uLizzy Shuping, kusolwa ukuthi isigameko senzeka eRichards Bay ngo-2023.
“I-IPID icele uKhomishana wesiFundazwe ukuthi alethe isitatimende esifungelwe ungakadluli umhlaka-19 March 2025.
OLUNYE UDABA: Izakhamuzi zase-Amaoti zifuna kuliwe nobugebengu
UShuping uthe kufanele kwazeke ukuthi incwadi eyabhalelwa uLt General Mkhwanazi, eyibhalela yiBamba leNhloko yophenyo kwa-IPID, ethi uNgqongqoshe wamaPhoyisa acele i-IPID ukuthi iphenye uKhomishana wesiFundazwe, yabhalwa ngephutha.
“Lolu phenyo luyingenxa yezikhalo ezingaziwa ezivela emphakathini.”
UShuping uthe i-IPID isamile kwelokuthi nakuba ithola izikhalazo kanye nokuncinzwa indlebe okuvela emithonjeni eyahlukene, uphenyo lwayo luzimele futhi aluchemile.
“Uphenyo luselusha, kanti i-IPID izokhuluma ngalolu daba kuphela uma uphenyo seluphothuliwe.”
Khonamanjalo engxoxweni ekhethekile abe nayo ne-IOL ngesonto eledlule, uLieutenant-General Mkhwanazi uthe uqinisa isandla ezikhulwini ezikhohlakele ezingaphakathi kwezinhlaka zakhe.
Uthe kunomkhankaso we-smear okuhloswe ngawo ukuthi ahlehle.
“Ngivala ompompi bokuhlukunyezwa nenkohlakalo yangaphakathi yingakho ngikhonjwa indlela kodwa ngeke kungivimbe. Enye yezinto esibhekene nayo yi-SAPS Secret Fund.”
UMkhwanazi uthe akutholile wukuthi kunezikhulu nosopolitiki abathile abenza imali eshisiwe ngalesi sikhwama esiyimfihlo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
