Izakhamuzi zasendaweni yase-Amaoti ziphume ngobuningi bazo ngenhloso yokufuna ukuqeda ubugebengu ngokushesha.
Amalungu omphakathi aqale ukumasha ilokishi lonke elisenyakatho yeTheku ekuseni namuhla.
UPrem Balram we-Reaction Unit South Africa uthi, baqale ukuqapha isimo ngemuva kokuthola imibiko kosomabhizinisi baseVerulam abakhathazekile.
“Njengamanje abakwa-Rusa namaphoyisa ophiko lwe-South African Police Services nophiko lwakwa-Metropolitan Police asiqaphile isimo.”
OLUNYE UDABA: Amaphoyisa asola ‘abangaphakathi’ ezigamekweni zezimoto zemali
Lokhu kuza ngemuva kokuba kubulawe abantu abathathu emzini yabo, khona endaweni ngoMgqibelo kanti ngombhikisho wangoMsombuluko kudutshulwe kwabulawa abantu ababili, bedutshulwa oshayasibhamu abangaziwa.
UMbongeni Phewa oyilungu le-CPF eNanda, uthi izakhamuzi zifuna kungenelele uKhomishana wamaphoyisa aKwaZulu-Natal uNhlanhla Mkhwanazi njengoba ubugebengu budlangile endaweni.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
