Amaphoyisa ophiko lwe-Independent Police Investigating Directorate (IPID) athi uphenyo lwesikhulu samaphoyisa aKwaZulu-Natal (KZN), uNhlanhla Mkhwanazi lusaqhubeka.
Lokhu kwenzeka naphezu kwemibiko ethi i-IPID isiluphothulile uphenyo.
I-IPID iyakuphika lokho.
Phambilini lolu lwamaphoyisa luzwakalise ukukhathazeka ngesimo samaphoyisa eKZN, lubalula izigameko zokudubulana phakathi kwamaphoyisa nabasolwa.
OLUNYE UDABA: Popcru igxeka uphenyo lukaMkhwanazi ithi ‘alunasisekelo’
Imashi yokweseka uMkhwanazi ebihlelelwe uLwesihlanu, nayo imisiwe.
Abahleli bemashi bathe lesi sinqumo sisekelwe wukuthi i-IPID ihoxise uphenyo lwayo ngoMkhwanazi.
“Njengenhlangano nomphakathi waKwaZulu-Natal asizange sisasibona isidingo sokuqhubeka nemashi kulandela ukuzwakala kwalezi zindaba ezimnandi.
Kodwa i-IPID itshele i-Eyewitness News ukuthi isaphenya ngoMkhwanazi.
Okhulumela i-IPID uLizzy Suping uthe, “Isimo se-IPID ngokwesitatimende sethu esikhishwe ngomhlaka-16 March 2025 sithi ngeke silukhulume lolu daba kuze kube kuphothulwa uphenyo lwethu.”
Engxoxweni abe nayo ne-Eyewitness News ngasekuqaleni kuka-Ephreli, uMkhwanazi uthe uphenyo ngaye luqale ngemuva kokuthi esule inhloko yezobunhloli uFeroz Khan ngamacala ahlobene nokutholakala kwezidakamizwa ngo-2021.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
