Amaphoyisa aKwaZulu-Natal asebophe abasolwa abahlanu ngokutholakala nezibhamu nezinhlamvu ezingekho emthethweni kanjalo nezidakamizwa egarage likaphethiloli endaweni yaKwaMashu ekuseni namuhla.
Amaphoyisa angamalungu ePublic Order Policing(POP) abematasa eqhuba umsebenzi wawyo ngesikhathi ebona imoto ebigcwele amadoda amahlanu egarage likaphethiloli eliseBridge City KwaMashu.
OLUNYE UDABA: ISITHOMBE: Sekuboshwe oyedwa obanjwe edayisa amathikithi omdlalo wamanqamu weNedbank Cup
La maphoyisa abe esesesha la madoda, umuntu ngayedwa watholakala enesibhamu nenqwaba yezinhlamvu. Amaphoyisa aphinde athola nezidakamizwa.
Umshayeli wale moto ebekuhanjwa ngayo uthe ungumshayeli ka-uber obeqashwe ngabasolwa, yize kunjalo uhlulekile ukuveza izincwadi zesibhamu atholakale esiphethe.
Abasolwa, abasebancane ngokweminyaka bazovela maduze enkantolo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
