Othisha abayitoho nabangasebenzi KwaZulu-Natal bamashele eMnyangweni wezeMfundo befuna ukuqashwa nokuqashwa ngokugcwele.
Leli qeqebana elihlanganisa othisha abaqeqeshiwe abathwele kanzima ngokungayitholi imisebenzi, limashele eMnyangweni wezeMfundo eMgungundlovu lihambisa incwadi echaza ngezimfuno zalo.
OLUNYE UDABA: Buka: Kubanjwe amamashi e#Justice4Cwecwe
“Sesikhathele ukuxhashazwa njengothisha betoho, sihola kancane ngaphandle kokuhlomula noma ukuvikeleka emsebenzini,” kusho uThembeka Mpanza ongomunye wabahleli bale mashi.
“Sikufanele ukuqashwa ngokugcwele, sifuna uMnyango wezeMfundo ulusukumele ngokushesha lolu daba,” kusho uMpanza.
Othisha abebegqoke imfaniswano yezemfundo bebephethe izingqwembe namabhodi ngesikhathi bemasha, behle ngoLangalibalele Street besho iziqubulo becula namaculo obumbano.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
