Amaphoyisa athungatha abasolwa abathathu mayelana nokudutshulwa kwenqwaba yabantu eSaulsville.
Oshayasibhamu bavulele ngenganono bebhekise kubantu abangu-25 endaweni yokucima ukoma, babulala abangu-12 babo.
Omunye wabasolwa wadedelwa ngoshwele ngoSeptember odlule.
OLUNYE UDABA: Kusale enkundleni abasolwa ababili kudutshulwana namaphoyisa eGlebelands, eMlazi
“Sekuhlonzwe abantu abathathu abazophoswa imibuzo, kanti oyedwa uthathwe ukuze ayophenywa njengoba uphenyo lwamaphoyisa luqhubeka,” kusho uKhomishana wamaPhoyisa kaZwelonke uFannie Masemola.
“Siyaqiniseka ukuthi maduze sizobona impumelelo njengoba amaphoyisa eqaphe kakhulu”
Ngokubheka isizinda salabo ababandakanyekayo, amaphoyisa athi manje abheka ukuthi lokhu kungase kuhlotshaniswe yini nemboni yamatekisi.
Njengoba kwababulewe kubalwa ingane eneminyaka engu-3 ubudala kanye nenye ingane esikhulile, amalungu omndeni osemanzini anxusa iziphathimandla ukuba zenze okwengeziwe ukuvikela izingane.
