Indoda eneminyaka engu-65 ubudala ivele eNkantolo yeMantshi yaseThekwini ngoxhaxha lwamacala okubalwa kuwona ukushushumbisa abantu.
Amacala abhekene nale ndoda kubalwa ukushushumbisa abantu, ukunukubeza ngokocansi, ukuyenga owesifazane ukuze agiliswe imikhuba yocansi, ukuthumba, ukuphambana nomthetho i-Films and Publications Board Act 65 of 1996, ukudicilela phanis isithunzi nokuphambana nomthetho i-Cybercrimes Act of 2020.
OLUNYE UDABA: Uyavela usomabhizinisi wase-KZN osolwa ngawokuthumba nokushushumbisa
Umbuso ukholwa wukuthi phakathi kuka-February noMarch 2022, izisulu zahanjiswa KwaZulu-Natal bethenjiswe amathuba omsebenzi.
Kukholakala ukuthi izisulu zavalelwa ngenkani ukuze zenziswe imikhuba yocansi.
Ngokwesitatimende se-NPA, icala lihlehlele umhlaka-25 August 2026 ukuze kulalelwe isicelo sebheyili.
