Kuyaqhubeka ukuthungathwa kwabasolwa abangu-8 abayamaniswa nesigameko sokubanjwa kwemoto yemali inkunzi okwenzeke namuhla ekuseni ku-N2.
Kume nse ukuhamba kwezimoto emgaqweni eduzane nasefemini yasimende i-NPC eningizimu yeTheku, ngesikhathi oshayasibhami behlasela imoto yemali.
IIvidep eveza izigebengu ezihlomile zibheke ngqo emotweni yemali zikhomba onogada ngezibhamu.
Kudutshulwe kwalimala onogada, kwathi imoto yemali yaqhunyiswa ngamabhomu ngesikhathi kuhlaselwa.
OLUNYE UDABA: Kulimale onogada kubanjwa inkunzi imoto yemali
Kuphazamiseke izimoto ebezilibangise emzileni obheke eThekwini ngenxa yesigameko, ezinye zizama ukujika ngenhloso yokubaleka.
Okhulumela amaphoyisa ophiko lwe-SAPS e-KZN uRobert Netshiunda uthi abasolwa babaleke nesamba semali esingadalulwanga.
“Isisefo semali sona sisaphelele. Noma ngubani ongaba nolwazi mayelana nokuthi abasolwa bakuphi uyanxuswa ukuba axhumane nesiteshi samaphoyisa esiseduze.”
