Imindeni yezisulu ezingu-11 zengozi eyenzeke eSiphingo ngesonto eledlule seziwahlonzile amalungu emndeni yazo.
UMnyango wezokuThutha KwaZulu-Natal uthi basizwe ngabaphenyi ePark Rynie Mortuary, kanti ukuhlonza kokugcina kuphothulwe ngoLwesibili ntambama.
Kwashayisana iloli netekisi ku-old R102 eLotus Park ngesonto eledlule.
OLUNYE UDABA: Kushone abangu-8 engozini enyantisa igazi ngaseSiphingo
Iziphathimandla zithi umshayeli weloli wehluleka ukulawula iloli ngesikhathi kunetha imvula ngaphambi kokushayisa itekisi elaligcwele ngokweqile, nokuthi amathayi eloli ayegugile.
UNdabezinhle Sibiya womnyango uthi phakathi kwezisulu ezineminyaka ephakathi kwengu-18 nengu-69 ubudala, kubalwa abantu ababili base-Eastern Cape.
