Amaphoyisa aKwaZulu-Natal aseqalile athungatha abantu bokufika abangu-13 abangenazo izincwadi ezibagunyaza ukuba kuleli, abeqe esiteshini samaphoyisa saseNyoni ngoLwesibili ntambama.
Okhulumela amaphoyisa uColonel Robert Netshiunda uthe leli qembu liyingxenye yabantu bakwamanye amazwe abangu-60 abangenazo izincwadi zokuba sezweni kanti bekusaqhutshekwa nohlelo oluzobaholela emnyangweni efanele.
OLUNYE UDABA: Babalelwa ku-50 abokufika abeqe emzini abebevalelwe kuwo eGoli
“Abeqe esitokisini samaphoyisa bayingxenye yequlu labantu abangu-60 abatholwa besebenza emafemini akuleli ngaphandle kwezncwadi ezibagunyaza ukuba kuleli ngesikhathi amaphoyisa eqhuba umsebenzi wawo ngesonto eledlule.
“Njengamanje kuyaqhubeka ukuthungathwa kwalabo abeqe esitokisini.”
