Uphiko oluphenya amacala ayisipesheli lugasele emzini wesomabhizinisi owaziwayo eSandton namuhla, ngemuva kophenyo oludonse iminyaka emithathu olumayelana nokuphangwa kwezimali zesibhedlela saseGauteng, iTembisa.
I-SIU isihlonze izinhlangano ezintathu ezinkulu ekholwa ukuthi ziyathinteka ohlelweni lwenkohlakalo, okubikwa ukuthi lwasebenzisa budedengu imali engaphezulu kuka-R2 billion.
Usomabhizinisi uHangwani Maumela kuthiwa waqola u-R820 million eminyakeni emibili esebenzisa izinkontileka zomgunyathi esebenzisa izinkampani ezingu-41.
OLUNYE UDABA: INehawu ishaye ihlombe ngophenyo olunzulu ngesibhedlela saseTembisa
Owesifazane owahlaba umkhosi ngenkohlakalo esibhedlela saseTembisa, uBabita Deokaran, wabulawa ngaphandle komuzi wakhe oseGoli ngo-2021.
UDeokaran, ongowasePhoenix, wayeyibamba njengomqondisi wezezimali eMnyangweni Wezempilo eGauteng ngaleso sikhathi.
Khona manjalo kubikwa ukuthi iSIU isemzini weSekela likaKhomishana wamaPhoyisa kuzwelonke uShadrack Sibiya.
Ngokwemithombo yezindaba eminingi uSibiya kusele kancane aboshwe.
The SIU confirms an operation at a Sandhurst home connected to our #TembisaHospitalCapture investigation, part of implementing investigation outcomes and managing consequences. Further updates will follow once legal processes are complete. pic.twitter.com/bnF6oCZHZG
— Special Investigating Unit (SIU) (@RSASIU) October 9, 2025
