Imoto ebihamba ohlangothini oluseningizimu emgwaqeni u-R102 yokheleke ngomlilo ngesikhathi beyi-test drive namuhla.
Abashayeli bezimoto abebedlula bashayele abakwa-Reaction Unit South Africa (RUSA) ePhoenix Operations Centre izingcingo bebika ngemoto eshayo eCornubia – KZN.
Kube sekuphuthunyiswa abosizo lokuqala abafike ngokushesha bafika endaweni yesigameko noMnyango wezicishaMlilo weTheku. Izicishamlilo zicishe umlilo obuvutha ngaphambili kwinjini yemoto yohlobo lwe-VW Golf 1 emhlophe.
OLUNYE UDABA: Ikwazile ukubaleka imindeni, umlilo ucekela phansi umuzi eMontclair
Obeyishayela utshele abe-Reaction Officers ukuthi ungu-Mechanic.
Lo mshayeli uthi imoto ubeyihlola ukuthi ihamba kanjani njengoba eyikhanda yabe isigqamuka umlilo. Kusolwa ukuthi imbangel yomlilo yipayipi likaphethiloli elinenkinga.
Abekho abantu okubikwe ukuthi balimale kulesi sigameko.
-ReactionUnitSouthAfrica
IZITHOMBE:
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
