ITheku selikulungele ukusingatha i-Africa Travel Indaba (ATI) kusukela ngomhlaka-12 May kuya kumhlaka-15 May e-International Convention Centre, eThekwini.
I-Africa Travel Indaba yethulwe izolo eThekwini eMoses Mbhida Stadium.
Lo mbukiso oyingqophamlando wokuhwebelana, uzohanjelwa ngamazwe ase-Afrika angu-26 okubalwa kuwo neNingizimu Afrika nabakhangisi abangaphezu kwangu-1200 kubalwa nemikhiqizo yezokuvakasha engu-297.
UNombulelo Guliwe, oyisikhulu esiphezulu kwa-South African Tourism, uthe balindele abathengi abasezingeni eliphezulu nokwanda kwesibalo sabakhangisi abazokhangisa ngezokuvakasha kwase-Afrika besendaweni eyodwa.
USihlalo wezokuBusa nokuThuthukiswa koMphakathi kuMasipala weTheku uNkosenhle Madlala, uthe iTheku elinamagugu alo anothile, izindawo ezinhle nemiphakathi enomoya wokuphatha kahle izivakashi selikulungele ukusingatha lo mcimbi wodumo.
OLUNYE UDABA: Kwethulwe umkhankaso wePhasika nobusika ozokhulisa umnotho
UDkt uSibusiso Ndebele, onguSihlalo weKwaZulu-Natal Tourism and Film Authority, uthe umcimbi walo nyaka uzoba mkhulu kunowango nyaka ophelile.
UNdebele uthe lo mcimbi uzofukula umnotho wamabhizinisi wakuleli izifunda zezokuvakasha nalawo akhombisa amazwe ase-Afrika.
UNgqongqoshe wezokuVakasha, uPatricia de Lille, uthe umthelela walo mcimbi muhle kakhulu njengoba kwezoomnotho wangenisa imali engu-226 million wamarandi edolobheni laseThekwini ngo-2024 kanye no-R333 million ongeziwe KwaZulu-Natal. Amathuba emisebenzi angaphezu kwangu-1000 adalwe yilo mcimbi.
Umcimbi we-Africa Travel Indaba wakulo nyaka uzovulwa yiSekela likaMengameli uPaul Mashatile.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEdit
