Durban – Kudutshulwe kwabulawa abasolwa abane esigamekweni sokudubulana namaphoyisa KwaZuku-Natal.
Isigameko senzeke ngoLwesine ngoLwesine kuDumisani Makhaye Drive, eThekwini.
Okhulumela amaphoyisa KwaZulu-Natal, uLieutenant Colonel Amanda Funani, uthe abasolwa bebehamba ngemoto besuka KwaMashu ngesikhathi bebanjwe ngamaphoyisa ngemuva kokulandela ezobunhloli.
OLUNYE UDABA: Kuboshwe abangu-7 ngawokubulala nokudlwengula e-E Cape
UFunani uthe ngesikhathi amaphoyisa ezama ukumisa imoto, abasolwa abebesemotweni bavulela ngenhlamvu bebhekise emaphoyiseni.
Kubikwa ukuthi alikho nelilodwa iphoyisa elilimale kulesi sigamelo.
Ngokusho kukaFunani omunye wabasolwa uyabandakanyeka nokuqola, ukubulala nokubamba inkunzi okwenzeka eThekwini naKwaMashu.
“Emotweni sithole izibhamu ezimbili ezingekho emthethweni. Isibhamu esisodwa sitholakale komunye wabasolwa obezama ukubaleka endaweni yesigameko.”
Seluqaliwe uphenyo ngalolu daba.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
