Iqembu leKaizer Chiefs liphinde lahluleka osukwini lwayizolo ukuqoqa amaphuzu amathathu agcwele njengoba lidlale ngokulingane neMarumo Gallants emdlalweni weBetway-Premiership.
Igoli le Chiefs livalelwe phakathi nguKhanyisa Mayo kwathi eleMarumo Gallants lavalelwa nguClifford.
OLUNYE UDABA: IChiefs izocacisa ngekusasa likaNabi kuleli sonto
Amakhosi ayiqale kahle imidlalo yeligi kodwa emasontweni adlule ashaywe yiSekhukhune united ngamagoli amathathu kwelilodwa nalapho kugcine kuvela izindaba zokuthi uNabi uyashiya kuleli qembu njengoba engabanga yingxenye yomqhudelwano weCaf Confederation cup nalapho iChiefs ifike yathola khona isibhaxu segoli elilodwa eqandeni beshaywa Kabuscorp yase-Angola.
Osukwini lwangoMgqibelo iChiefs izomukela iKabuscorp emdlalweni womlenze wesibili weCaf Confederation cup eFNB Stadium.
