Kuboshwe owesifazane ngezinsolo zokubulala ibhungu eCornubia, enyakatho yeTheku.
Kukholakala ukuthi lo wesifazane ujikijelelo mfana oneminyaka engu-16 ubudala ngesigubhu samanzi esingamalitha amahlanu, isigubhu samshaya ekhanda.
Isidumbu sakhe sibe sesitholwa abezimo eziphuthumayo egcekeni likamakhelwane ngemuva kwesikhashana.
OLUNYE UDABA:Zimkhalele “owathumba usana, engafuni ukulahlwa yisoka”
Ngokusho kwenkampani yonogada, iReaction Unit South Africa, lo wesifazane uthe isigubhu usijikijele ngemuva kokubamba umfana elunguza ngomnyango wekhishi lakhe.
Okhulumela amaphoyisa e-KZN, uThenjiswa Ngcobo, uthe lo wesifazane ubhekene necala lokubulala.
“Amaphoyisa aseVerulam abophe owesifazane oneminyaka engu-48 ubudala ngecala lokubulala kulandela isigameko okusolwla ukuthi kwabulawa kuso umfana oneminyaka engu-16 ubudala eCornubia ngomhlaka-30 June 2025.
“ Umsolwa uzovela ngaphambi kweNkantolo yeMantshi yaseVerulam ngomhlaka-2 July.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
