Ikomiti lesikhashana lePhalamende selizwile ukuthi uVusimuzi Matlala uwusekela kanjani ngemali umkhankaso kaSenzo Mchunu wokuba nguMengameli we-ANC.
UMatlala, osolwa ngokuba ngungqondongqondo wbugebengu eGauteng, ubhekene namacala amaningi, okubalwa kuwo nelokuzama ukubulala owayeyintombi yakhe, uTebogo Thobejane.
OLUNYE UDABA: UWitness A uthi u-KT Molefe ‘ubaphethe’ ojenene bamaphoyisa
Ungqongqoshe uyakuphika ukuthi uyathinteka noMatlala.
Khonamanjalo, ilungu le-MK Party ePhalamende, uSibonelo Nomvalo, uthe uNgqongqoshe wamaPhoyisa, uSenzo Mchunu, wenze okungaphezu kwamandla akhe.
Lokhu kufakazela ubufakazi bukaKhomishana kazwelonke uFannie Masemola bokuthi uMchunu wenza ngokweqile esinqumweni sakhe sokuhlakaza iPolitical Killings Task Team.
UMchunu wethula ubufakazi eKomidini lePhalamende eliphenya ngohlelo lwezobulungiswa kwezobugebengu.
