UNgqongqoshe wezokuMbiwa Phansi uGwede Mantashe usenxuse ozakwabo ukuthi bagweme izinkinga kodwa bagxile emiholweni yabo kuphela.
UMantashe uxwayise ngokuthi ukwehluleka ukwenza lokho kungase kubafake enkungeni njengoNgqongqoshe wamaPhoyisa uSenzo Mchunu.
UNgqongqoshe ekhuluma enkonzweni yesikhumbuzo kalowo owayeyiSekela likaMengameli ongasekho, uDavid Mabuza, eMpumalanga, uMantashe wenze ihlaya wathi uma kukhona abenzi bobubi kuzomele bathunyelwe kuMchunu osebenza njengonogada bezepolitiki ezweni.
OLUNYE UDABA: UKhomishana wamaphoyisa eKZN uyamanise uMchunu nokugxambukela kwezobulungiswa
“Njengecadre kumele uziphathe kahle, ungaqokwa bese uzicebisa ngemali okungeyona eyakho, imali yakho okuwukuphela kwayo ibizwa ngeholo,” usho kanje.
“Uma uthatha imali okungeyona eyeholo lakho, awunasimilo, uzofana nalo ngqongqoshe osenkingeni manje, uNgqongqoshe uSenzoMchunu. Kuzomele uhlangane noMchunu. Uma usuyithathile imali okungelona iholo lakho, uyifake ephaketheni lakho, uzohlangana noMchunu.”
UMantashe ukusho lokhu ngemuva kokuthi uKhomishana wamaPhoyisa e-KZN, uNhlanhla Mkhwanazi, eveze ukuthi izikhulu eziphezulu zezomthetho – okubalwa kuzo uMchunu kanye neSekela likaKhomishana kaZwelonke uShadrack Sibiya – babeyingxenye yeqembu elinamandla elisekelwa yizinkampani ezidayisa izidakamizwa kanye namabhizinisi anethonya.
UMkhwanazi uqhube wathi uMchunu uyagxambukela kwezobulungiswa.
UMchunu uyaziphika izinsolo zikaKhomishana wesifundazwe.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
