Ukhala ezimathonsi umndeni waseMbilo ngokushonelwa yindodana eneminyaka eyisithupha.
Kubikwa ukuthi uduke ngoMsombuluko kusihlwa, ngemuva kokuduka umndeni wakhe uhlabe umkhosi.
Kuthe ngehora lesishiyagalombili ebusuku ecingwa watholakala eshonile.
“ingane itholakale e-pool, eliqhele ngamakhilomitha ambalwa ukusuka lapho bekuqale khona ukucingwa,” kusho okhulumela abe-ALS Paramedics uGarrith Jamieson.
“Ngesikhathi abezimo eziphuthumayo be-ALS befika endaweni yesigameko, ingane ibivele ishonile ngenxa yokulimala ebikutholile.”
OLUNYE UDABA: Kushone umfana, 5, ngemuva kokugwiliza e-swimming pool ekhaya ePMB
Akucaci ukuthi ubeyijwayele yini le ndawo. UJamieson uthi “umphakathi kanye ne-CPF yendawo bajoyine umndeni bemthungatha.
“Ngosizo lwezinkundla zokuxhumana isithombe somfana sasabalala ngokushesha futhi amalungu amaningi omphakathi kanye nezikhulu zezokuphepha endaweni bonke babebandakanyeke befuna amahora amabili nesigamu.
