UKhomishana wamaphoyisa aKwaZulu-Natal uNhlanhla Mkhwanazi uzobuyela namuhla eKomidini le-Ad Hoc lePhalamende.
UMkhwanazi uzophendula imibuzo ephakanyiswe kubufaakazi babanye ofakazi.
Lo Khomishana wamaPhoyisa wayengufakazi wokuqala lapho iKomidi liqala umsebenzi walo ngonyaka odlule.
Isithangami sabezindaba asibiza ngoJuly 2025 yiso esenza ukuba kusungulwe iKomidi kanye neKhomishana kaMadlanga.
Kusukela ngaleso sikhathi, imininingwane emayelana nokungcola ohlelweni lobulungiswa bobugebengu luye lwavela.
Amaphoyisa aphezulu, osopolitiki kanye nabantu abasolwa ngokuba ngamalungu angaphansi komhlaba baye bathinteka.
Ubufakazi bokugcina bukaMkhwanazi kuzoqala ukulalelwa ngo-10 ekuseni.
OLUNYE UDABA: Angase abhekane nomthetho usomabhizinisi waseThekwini ngakusho ngoMkhwanazi
Khonamanjalo, impendulo kaMengameli uCyril Ramaphosa ePhalamende iza phakathi kokuhlolisiswa okwandayo mayelana nenkohlakalo kanye nokuphazamiseka kwezepolitiki ekuphoqelelweni komthetho, kanye nobuholi bamaphoyisa buxwayisa ngokungena kobugebengu okusabalele.
UMengameli uCyril Ramaphosa uphendule ngokusemthethweni ekomitini elikhethekile lasePhalamende eliphenya izinsolo ezishaqisayo ezenziwa uKhomishana wamaPhoyisa KwaZulu-Natal, uLieutenant General Nhlanhla Mkhwanazi, okuyizinsolo zenkohlakalo kanye nokungenelela kwezepolitiki ohlelweni lobulungiswa, njengoba ubufakazi obuqhumayo buqhubeka nokuveza ukujula kokungena kobugebengu ngaphakathi kombuso.
URamaphosa unikeze izimpendulo zemibuzo engu-120 evela ekomidini elinikezwe umsebenzi wokuphenya ngalezi zinsolo.
Imibuzo igxile, ngokwengxenye, ngokolwazi lwakhe kanye nokubandakanyeka kwakhe ekuhlakazweni kwethimba elibhekene nokubulawa kwezepolitiki (i-PKTT).
