UMnyango wezokuThuthikiswa koMphakathi (i-DSD) uxwayise abathola izibonelelo ukuthi bathembele kuphela kwimthombo kahulumeni ukuze bathole izibuyekezo ngezinsizakalo zomphakathi.
Isitatimende esikhishwe wumnyango ngoLwesithathu ngemuva kokuba kubhalwe ezinkundleni zokuxhumana ukuthi zizophela izibonelelo ze-Covid-19 Social Relief of Distress.
Umnyango uwaphikile la mahlebezi, kanti uthanda ukukhumbuza abathola izibonelelo zakwa-South African Social Security Agency (Sassa) ukuthi babheke kuzo zonke iziteshi ezisemthethweni ngaphambi kokusabalalisa imibiko efana nale.
OLUNYE UDABA: Abakwa-Sassa bachitha umbiko osabalele kwezokuxhumana wokuholwa kabili kwezibonelelo
Umnyango uxwayise ngokuthi ukusabalalisa imibiko efana nale kubeka kabi umnyangi kudale nokuxakeka emphakathini.
Umnyango awuhambisani nokusatshalaliswa kwemibiko engamampunge ezibangela inincindezi nokudideka kulabo abamukela izibonelelo zikahulumeni.
UNgqongqoshe wezeziMali u-Enoch Godongwana welula izibonelelo ze-SRD kuze kube ngu-2027 esitatimendeni sakhe senquboMgomo yeSabelomali Sesikhathi Esimaphakathi ngoNovember.
