Inhlangani iSouth African National Taxi Council (Santaco) ithi imali elinganiselwa kuhhafu webhiliyoni isikhokhelwe abashayeli bamatekisi ngesikhwama sokusiza amatekisi phecelezi iTaxi Relief Fund.
Lesi sikhwama sasungulwa ngo-2022 ukuxhasa imboni yamatekisi ngemuva kobhubhane lwe-Covid-19.
ISantaco ithi bangaphezulu kuka-70 000 abashayeli asebehlomulile.
OLUNYE UDABA: SASSA-Kuzobambezeleka izibonelelo zabangaphezu kuka-200 000
Kubekwe u-R408 million owengeziwe kulo nyaka wezimali kulabo abangakakutholi ukwesekwa.
URebecca Phala womkhandlu wamatekisi uthi abashayeli, abafanelekile ukuhlomila, banesikhathi kuze kube sekupheleni kuka-October ukuthi bafake izicelo zabo.
“ Inqubo yesicelo izovalwa ngomhlaka-31 ku-October 2025, futhi azikho ezinye izicelo ezizokwamukelwa ngemva kwalolu suku.
“Kuze kube yimanje, bangaphezu kuka-73,000 abashayeli asebehlomule ngemali engaphezu kuka-R414 million, kanti abaqeqeshiwe kuthiwa bathola u-R7,200 ilayisensi ngayinye yokusebenza, okuhlanganisa nalabo abahlinzeka ngezinsiza zokuthutha abafundi.”
