Kulindeleke ukuba isikhulu samaphoyisa KwaZulu-Natal, uNhlanhla Mkhwanazi, sicacise kabanzi ngezinsolo zokubola kohlelo lwezobulungiswa njengoba kuqala iKhomishana kaMadlanga ePitoli.
UMengameli uCyril Ramaphosa usungule lolu phenyo kulandela izinsolo zikaMkhwanazi zobugebengu, inkohlakalo kanye nokugxambukela kwezombusazwe ohlelweni lwezobulungiswa kwezobugebengu.
OLUNYE UDABA: Ubufakazi bukaMkhwanazi bubalulekile ekuphumeleleni kweKhomishana kaMadlanga
UMkhwanazi usefake izikhulu eziphezulu zamaphoyisa nongqongqoshe bakahulumeni ebugebengwini obuhleliwe.
Ikhomishana eholwa yilowo owayeyiSekela LeNhloko yamaJaji uMbuyiseli Madlanga izophenya ngalezi zinsolo.
