Ube yimpumelelo umqhudelwano waseNdwedwe obubanjwa okwesithathu kulo nyaka, iBhamshela Race.
Lo mqhudelwano ubusuka eChief Ngonyameni Technical School waphinde wasongwa khona njengoba bekugijinywa ibanga lika-10km nelika-5km.
Abanqobile kulomjaho kwabesilisa kube nguBenjamin Nyongesi ngesikhathi esingu-30:36, kwathi olale isibili kwaba nguThapelo Ramakhoase obeke 30:51 ebhodini kwathi indawo yesithathu yathathwa nguLetlatsa Napa yena oshaye isikhathi esingu-31:03.
OLUNYE UDABA: Kukhonye abokufika kwi-Durban International Marathon ngempelasonto
Ngasohlangothini lwabesifazane othathe indawo yokuqala kube nguNtoaki Molahloe ebeka isikhathi esingu-35:54,bkwathi indawo yesibili yathathwa ngu-Andisiwe Njunguza yena obeke -39:18 ebhodini, indawo yesithathu yathathwa nguNokuthula Ntshangase yena obeke isikhathi esingu-31:59.
IMeya yaseNdwedwe, uSam Mfeka uzwakalise okukhulu ukujabula indlela abasubathi ebebephume ngayo kulomjaho, waphinde wabongela laba abanqobile.
UMfeka uphinde wathi bayafisa ukubona lo mjaho ukhula benze ibanga elide okunaleli abasalenza, kulo mjaho kuphinde kwagqama amakhansela omkhandlu waseNdwedwe abeyingxenye yalo mjaho.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
