Kutholwe izidumbu ezimbili endaweni yesigameko okuqhume kuyo isigubhu sikagesi eCocos naseBauhenia Mini Substation eLotus Park, eSiphingo.
Kusolwa ukwebiwa nokucekelwa phansi kwengqalasizinda kagesi okuholela kule nhlekelele.
Imiphumela yophenyo lokuqala iveza ukuthi ukuqhuma kudalwe ukuphazamisa okungekho emthethweni kwezingxenye zikagesi, okusolwa ukuthi bekuhloswe ukucekela phansi.
Lokhu kudale ilangabi eliholele ekutheni kushone abasolwa ababili kwabane okukholakala ukuthi bafike esigubhini sikagesi ngenhloso yobugebengu.
OLUNYE UDABA: UMasipala weTheku wenza imizamo yokubuyisa ugesi ophazanyiswe yizimvula
Lokhu kuqhuma kuphinde kwadala ukuphazamiseka kokuhlinzekwa kukagesi kule ndawo.
Nakuba ugesi usubuyile ezingxenyeni zezindawo ezithintekile, bekulindeke ukuba ubuye ngokuphelele namuhla ebusuku.
Uphiko Lwe-Energy Management Directorate eDolobheni lukhiphe isexwayiso esinzima emphakathini ngokuntshontshwa kukagesi kanye nokucekelwa phansi kwengqalasizinda kulandela isigameko esenzeke namuhla ekuseni kule ndawo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
