Amaphoyisa ophiko loKlebe asePort Sherpston esebenzisana namaphoyisa ophiko lweMetro Police Drug Team eThekwini, Durban Metro Police K9 Unit, yiDurban Flying Squad kanye neThekwini Infrastructure Task Team abophe umsolwa oneminyaka engu-43 ubudala ngokudayisa izidakamizwa.
Amaphoyisa athole imininingwane ngelabhu ebilima izitshalo zensangu ngaseMorningside, eThekwini, izolo kunguLwesine.
OLUNYE UDABA: Uzobhadla ejele obeshushumbisa izidakamizwa eMadadeni
Kwenziwa umkhankaso ngokushesha owabaholela ebhilidini lapho amaphoyisa afike asesha, kwabe sekutholakala izitshalo zensangu, amaphilisi e-ecstasy, i-crack cocaine, amakhemikhali kanye nezinsizakusebenza zentengo yasemgwaqeni elilinganiselwa ku-R350 000.00.
Umsolwa waboshwa wathweswa icala lokudayisa izidakamizwa kanjalo newunga.
Kulindeleke ukuthi avele eNkantolo yeMantshi yaseThekwini namuhla, kuwumhlaka-27 June 2025.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
